Temsilcilikniñ halqara alâqalar ve uquqiy talil hızmetleriniñ baş mesleatçıları Kıyiv şeerindeki Qırım evinde ‘‘Qırım.Aqiqat’’ radiosınıñ üç yıllığı munasebetli ile keçirilgen ‘‘Qırımnı ilhaq etüv ve Şarqnı işğal etüv yañı Ukrainanıñ raqbetlendirüvi olaraq’’ mevzusında Mıroslav Marınovıçnıñ halq ögünde lektsiyasında iştirak ettiler.

Tedbirde Qırımtatar Milliy Meclisiniñ Reisi, Ukraina halq deputatı Refat Çubarov, onıñ muavinleri İlmi Umerov ile Ahtem Çiygoz, Vaqtınca işğal etilgen topraqlar ve devlet içinde köçken şahıslar meseleleri boyunca Ukraina nazirliginiñ vekilleri, faalciler ve cemaatçılıq iştirak etti.

Tedbir esnasında ‘‘Qırım.Aqiqat’’ radiosınıñ umumen alğanda 3 yıl ve 24/7 tertibinde bir yıl devamında yayınlavınıñ qısqa taqdimi olıp keçti, zemaneviy ve kelecekteki Qırım, onıñ Ukrainadaki yeri muzakere etildi.