2018 senesi oraq ayı (iyül) 4 künü Temsilcilikte halqara alâqalar hızmetiniñ yolbaşçısı Yevgen Samuha ve müessiseniñ başqa hadimleri Qırımdan muhtaç olğan qorantalardan balalarnıñ Lehistan Cumhuriyetine ziyaretlerine bağışlanıp Borıspil ava limanında keçirilgen matbuat konferentsiyasında iştirak. Matbuat konferentsiyasında Qırımtatar halqınıñ meseleleri boyunca Ukraina Prezidentiniñ yardımcısı Mustafa Cemilev, Qırımtatar Milliy Meclisiniñ reisi Refat Çubarov, Ukrainada Lehistan Cumhuriyeti Elçihanesiniñ Mesleatçısı Emiliya Yasük, ‘‘Bizim balalar’’ cemaat teşkilâtınıñ vekilleri ve jurnalistler iştirak ettiler.

Temsilcilikniñ hadimleri, işbu devlet müessisesi öz vekâleti çerçivesinde kelecekte de Qırımda yaşağan Ukraina vatandaşlarına, bu cümleden, siyasiy mabuslarnıñ qoranta azalarına, olarnıñ gumanitar ihtiyaçlarını yerine ketirüvde, memuriy hızmetlerni aluvda, bu cümleden,  qıta Ukrainada pasport vesiqalarını resmiyleştirüvde ertaraflama destek kösterecegini qayd ettiler.