Ukrainanıñ vaqtınca işğal etilgen topraqlarını ğayrıdan integratsiya etüv meseleleri boyunca Nazirlik haber etkenine köre, 2020 senesi arman ayı 29 künü saat 00:00-dan başlap, vaqtınca işğal etilgen Qırım MC ve Aqyar şeeriniñ sıñırlarında yerleşken Kiriş-çıqış nezaret etüv noqtaları ğayrıdan çalışmağa başlay. Bu vaqıttan başlap, KÇNN-lar er zamanki kibi çalışıp başlaycaqlar.
2020 senesi arman ayı 26 künü olıp keçken toplaşuvda Ukraina Nazirler Şurası 2020 senesi arman ayı 8 künü qabul etip Qırım MC ile sıñırda yerleşken KÇNN-nıñ faaliyetini sıñırlağan №979-р sanlı qararını toqtattı.
Vaqtınca işğal etilgen topraqlardan kelgen şahıslarnıñ episi özüni eki aftağa etraf müitten ayırmalı, vaqtınca işğal etilgen Donetsk ile Lugansk vilâyetlerini, ya da Qırımnı terk etken soñ PLR-usulınen keçirilgen COVID-19 testi menfiy netice berse, işbu talap müddetten evel toqtatıla bile.
Özüni etraf müitten ayırmaq içün vaqtınca işğal etilgen topraqlarından kelgen vatandaşlar ”Evde areket et” cep ilâvesini yüklep çalıştırmalılar. Böyle cep ilâveni yüklemege imkânı olmağan şahış nezaret altına alınmalı.
Ayni vaqıtta, 12 yaşını toldurmağan balalar ve Ukrainada akreditatsiyası olğan resmiy halqara missiyaları temsilcilikleriniñ hadimleri özüni etraf müitten ayırmaq mecburiyetinde degiller.