2020 senesi qara qış (yanvar) ayı 29 künü saat 11:00 ”Ukrinform” haber agentliginiñ binasında (Kıyiv şeeri, B. Hmelnıtskıy soqağı, 8/16) İnsan aqları boyunca Ukraina-Helsinki birligi ve Ukraina Prezidentiniñ Qırım MC Temsilciligi Qırım yarımadasınıñ 2014 senesi kiçik (fevral) – saban (mart) ayları devamında faal şekilde işğal etilüvi devirinde Rusiye Federatsiyası Arbiy Quvetleriniñ vekilleri tarafından halqara gumanitar uquqnıñ şartlarını bozuv boyunca tedqiqatını taqdim eteler.

Bundan ğayrı, matbuat konferentsiyanıñ iştirakçileri qabaatlı şahıslarnı mesüliyetke çeküv ve bütün işğal deviri devamında insan aqlarınıñ ve halqara gumanitar uquq şartlarınıñ muntazam şekilde Rusiyege boysunğan Qırım akimiyeti tarafından bozulmasına qarşılıq kösterüv saasında devlet siyasetini şekillendirüv kibi meselelerni de muzakere etecekler.

Spikerler:

• Ukraina Prezidentiniñ Qırım Muhtar Cumhuriyetindeki Daimiy Temsilcisi – Anton Korınevıç;
• Qırım Muhtar Cumhuriyetiniñ Prokurorı – İgor Ponoçovnıy;
• Gumanitar siyasetini teşkil etüv boyunca Ofisniñ Yöneticisi – Oleksandra Dvoretska;
• İnsan aqları boyunca Ukraina-Helsinki birliginiñ abulqatı – Maksım Tımoçko;
• İnsan aqları boyunca regional merkezniñ adliyecisi – Vitaliy Nabuhotnıy.