Ukraina Prezidentiniñ Qırım MC-deki Temsilciligi alimlerni Ukraina Yuqarı Şurasınıñ Qanuncılıq institutı ile beraberlikte 2018 senesi fevral 27 künü keçirilecek ‘‘Qırım işğaliniñ dörtünci yıllığı: aqibeti ve istiqbali’’ serlevalı tögerek masada iştirak etmege davet ete. Tögerek masa Ukraina Yuqarı Şurasınıñ Qanuncılıq institutınıñ 416 odasında saat 11:00 başlanacaq.

Tögerek masada Qırımnıñ vaqtınca işğaliniñ halqara-uquqiy ceetleri, zemaneviy şaraitlerde Qırım boyunca milliy qanuniyetniñ, uquqiy tecribeniñ ve idare etüv mehanizmlerniñ inkişaf yolları, işğalge qarşılıq kösterüv vastaları olaraq programma aktları ve mehanizmleri kibi meseleler muzakere etilecek. Tögerek masa çerçivesinde Ukraina Prezidentiniñ Qırım MC-deki Temsilciligi terkibinde çalışqan Ekspert şurasınıñ oturışı da olıp keçecek.