2018 senesi çiçek ayı (aprel) 23 künü Ukraina Prezidentiniñ Qırım MC Temsilciliginde halqara alâqalar hızmetiniñ baş mesleatçısı Ukrainanıñ Qırımdaki qapatılğan deñiz limanlarına gemilerniñ kirip çıquvı ve Kerç boğazında köpürniñ quruluvınen bağlı sanktsiya tedbirleri boyunca Ukraina infrastruktura Naziri Yuriy Lavrenük başlığında keçirilgen iş muşaveresinde iştirak etti.

Muşaverede Ukraina Mudafaa Nazirliginiñ, Ukraina Çetel işler Nazirliginiñ, Devlet sıñır hızmetiniñ ve başqa vekâletli organlarnıñ temsilcileri iştirak etti. Muşavereniñ iştirakçileri Qırım MC-niñ qapatılğan limanlarına gemilerniñ kirip çıquvını, Kerç köprüsiniñ quruluvı sebebinden Kerç boğazınıñ qapatılmasını ve Azaq regionınıñ limanlarına ya da limanlarından yaldağan gemilerniñ Kerç ticariy limanında işğalci akimiyetnen mecburiy munasebetlerini muzakere ettiler. Bütün vekâletli müessiseler arasında işbirlikni quvetleştirmege kerek olğanı qayd etildi.

Muşavereniñ neticesi olaraq, Ukraina Mudafaa ve milliy havfsızlıq şurasına, büyük terror havfı sebebinden Ukrainanıñ içki suvlarına rusiye gemilerniñ kirmesini yasaqlanması teklifinen muracaat etmek qararı qabul etildi.