Milliy politsiyanıñ Qırım Muhtar Cumhuriyeti ve Aqyar boyunca Baş idaresiniñ reberiyeti Ukraina Prezidentiniñ Qırım Muhtar Cumhuriyetindeki Daimiy Temsilcisi Boris Babin ile körüşti.

Baş idaresiniñ müdiri, politsiyanıñ 3 derece generalı Anatoliy Bahçivancı ve onıñ muavini – taqiqat bölüginiñ müdiri, politsiya kapitanı Sergiy Panteleyev Temsilcilikniñ Qırım politsiyasınen işbirlik yollarını, beraberlikte çezile bilecek pıtraqlı meselelerni muzakere ettiler.

Vaqtınca işğal olunğan Qırım Muhtar Cumhuriyetinde Ukraina vatandaşlarınıñ ve devlet menfaatlarınıñ qorçalavı – Qırım politsiyasınıñ faaliyetinde Temsilcilikniñ vazifelerinen de sıqı bağlı olğan birinci nevbetteki meselelerdir.