2021 senesi qara qış ayınıñ 20-de saat 14:30-da video konferentsiya şekilinde ”Qırım MC ve Aqyar şeerini işğalden azat etüvniñ tışqı siyasiy hususiyetleri: parlament ölçevi” mevzusında umumiy parlament diñlevleri keçirilecektir.

Diñlevler Ukraina Yuqarı Şurasınıñ Tışqı siyaset ve parlamentler arası işbirlik boyunca komiteti, Ukraina Yuqarı Şurasınıñ İnsan aqları, Ukrainanıñ vaqtınca işğal etilgen Donetsk ve Lugansk vilâyetlerinde, Qırım Muhtar Cumhuriyetininde ve Aqyar şeerindeki topraqlarını işğalden azat etüv ve ğayrıdan integratsiya etüv, milliy azınlıqlar ve halqara munasebetler meseleleri boyunca komiteti ve Ukraina Yuqarı Şurasınıñ Milliy havfsızlıq, mudafaa ve istihbarat meseleleri boyunca komiteti tarafından teşkil etildi.

Anton Korınevıç, Ukraina Prezidentiniñ Qırım Muhtar Cumhuriyetindeki Daimiy Temsilcisi vaqtınca işğal etilgen Qırım Muhtar Cumhuriyeti ve Aqyar şeerinde şimdiki vaziyet boyunca çıqışta bulunacaq. Anton Korınevıç öz çıqışında insan aqları, iqtisadiy vaziyet, yarımadanıñ arbiyleştirilmesi, ekologik meseler, ukrain ve qırımtatar medeniyetlerine yapılğan basqı, tasil ve grajdan faaliyet kibi meselelerni aydınlatacaqtır.

Tafsilâtlı malümat: https://cutt.ly/kjPrxbg