Kiçik aynıñ 26-da saat 11:15-te Qırım Muhtar Cumhuriyetiniñ ve Aqyar şeeriniñ işğal etilüvine qarşılıq kösterüv Kününe bağışlanğan ve 2014 senesi kiçik aynıñ 26-da Aqmescit şeerinde Ukrainanıñ topraq bütünligine qol tutmaq maqsadınen keçirilgen mitingniñ 7-nci yıldönümi munasebetinen teşkil etilgen marafon başlanacaq.
2020 senesi kiçik (fevral) aynıñ 26-da Ukraina Prezidenti tarafından imzalanğan 58/2020 sanlı Fermanğa binaen kiçik (fevral) aynıñ 26 Qırım Muhtar Cumhuriyetiniñ ve Aqyar şeeriniñ işğal etilüvine qarşılıq kösterüv Künü qayd etile.
Bu kün munasebetinen ve ayrıca vaqtınca işğal etilgen Qırım Muhtar Cumhuriyetinde ve Aqyar şeerinde yaşağan Ukraina vatandaşlarınıñ cesürligine ve qaramanlığına sayğı ve ürmetimizni köstermek maqsadınen Ukraina Prezidenti Ofisi, Ukraina Prezidentiniñ Qırım MC-deki Temsilciligi, Vaqtınca işğal etilgen topraqlarnı ğayrıdan integratsiya etüv meseleleri boyunca Ukraina Nazirligi, Ukraina medeniyet ve haber siyaseti Nazirligi, ”DOM” televizion şirketi bir marafon teşkil ettiler.
Vaqialarnı hatırlamaq ve işğalge qarşılıq köstermek ceetinden bu kün ne içün müim? Qırımnı işğalden azat etüv, yarımadanı Ukrainanıñ uquqiy, iqtisadiy, medeniy ve tasil saalarına integratsiya etüv boyunca Ukraina strategiyası neden ibaret? Qırımnı işğalden azat etüv, yarımadanı Ukrainanıñ uquqiy, iqtisadiy, medeniy ve tasil saalarına integratsiya etüv boyunca Ukraina strategiyası; halqara seviyede siyasiy-diplomatik tedbirler; soñki yıl devamında ğayrıdan integratsiya etüv boyunca devlet siyasetinde ve hususan tasilge ve devlet hızmetlerine irişim yönelişinde neler yapıldı – bu ve başqa suallernen cevapları marafon esnasında muzakere etilecektir.
Tedbirni halqara jurnalist ve aynı vaqıtta ”Ğayıp olğan ada. İşğal etilgen Qırımdan reportajlar kitabı” eseriniñ müellifi Natalka Gümenük yönetecek.
3 panel munaqaşası keçirilecek, er biri qonuşmacılarnıñ çıqışları ve moderatornıñ suallerinen beraber 1 saatqa yaqın devam etecek:
- Kiçik aynıñ 26-sı – bu vaqialar ne içün yüz berdi, mesüliyetke kimler çekilmeli?”Qırım platforması” işğalden azat etüv aleti olaraq.
- Vaqtınca işğal etilgen Qırım Muhtar Cumhuriyetinde ve Aqyar şeerinde yaşağan insanlarnı qaytaruv ve ğayrıdan integratsiya etüv
Yabancı seyirciler sinhron tercimenen temin etilecekler.
Ukraina Prezidentiniñ Qırım MC-deki Daimiy Temsilcisi Anton Korınevıç, Qırımtatar Milliy Meclisiniñ reisi Refat Çubarov, Ukraina çetel işler naziriniñ muavini Emine Caparova, Qırım Muhtar Cumhuriyeti ve Aqyar şeeri Prokuraturasınıñ reberi İgor Ponoçovnıy, Ukraina adliye naziriniñ muavini İvan Lişçina, Ukraina milliy hatıra institutınıñ başlığı Anton Drobovıç, Ukraina Prezidentiniñ Qırım MC-deki Daimiy Temsilcisiniñ Birinci muavini Darya Svırıdova, Vaqtınca işğal etilgen topraqlarnı ğayrıdan integratsiya etüv meseleleri boyunca Ukraina naziriniñ muavini İgor Yaremenko, Ukraina Prezidentiniñ Qırım MC-deki Daimiy Temsilcisiniñ muavini Tamila Taşeva, Ukraina halq deputatı, ”Qırım platforması” fırqalar arası deputatlar birliginiñ ortaq reisi Rustem Umerov,Ukraina çetel işler Nazirligi yanındaki Cemaat şurasınıñ başlığı, ”Ukrainska prizma” tışqı siyaset Şurasınıñ başlığı
Gennadiy Maksak, Vaqtınca işğal etilgen topraqlarnı ğayrıdan integratsiya etüv meseleleri boyunca Ukraina naziriniñ muavini İnna Dragançuk, ”QırımSOS” cemaat birliginiñ ortaq teşkilâtçısı Olga Kurışko, Ukraina dijital deñişüvler Nazirligindeki Avropağa integratsiya etüv Müdürliginiñ müdiri Gulsana Mamediyeva, Ukraina medeniyet ve haber siyaseti naziriniñ muavini Taras Şevçenko çıqışlarda bulunacaqlar.
Tedbirniñ media ortaqları: “Çornomorska” televizion ve radio kanalı, ”Ukrainska pravda”, Radio NV, ”Hromadske”.
Tedbirge qol tutqan ”Renaissance” Halqara fonduna minnetdarlığımıznı bildiremiz.
Akkreditatsiya etüv meseleleri boyunca kontakt şahıs
Yuliya Kurılük
е-mail: [email protected]
tel.: +38 (063) 700-50-83