Qırım Muhtar Cumhuriyetiniñ ve Aqyar şeeriniñ işğal etilüvine qarşılıq kösterüv Kününe bağışlanğan marafonnıñ ekinci panel munaqaşasınıñ iştirakçileri ”Qırım platforması”, işğalden azat etüv ve ğayrıdan integratsiya etüv ile bağlı bütün müim mevzularnı tertipli alğa ketirgen halqara muzakere etüv meydançığı ve bütünukrain ve halqara küçlerini birleştirgen müim bir alet olğanına dair umumiy fikirge keldiler.

Ukraina Prezidentiniñ Qırım MC-deki Daimiy Temsilcisi Anton Korınevıç: ”İşğalden azat etüvge şimdiden azır olmalımız, bundan ğayrı, halqara ortaqlarımızğa işğalden azat etüvge dair em büyük strategik, em taktik ”ğayeler menüsini” teklif etmelimiz”.

Ukraina çetel işler naziriniñ birinci muavini Emine Caparova:

”Platformanıñ terkibi çoq ölçevlidir. Bu, bütün akimiyet organlarınıñ ve cemaat teşkilâtlarınıñ ğayretlerini birleştirgen ve halqara ortaqlarmıznı işğalden azat etüvge dair bütün adiseler aqqında haberdar ete bilecek bir vastadır”.