Bu sefer Ukraina Prezidentiniñ Qırım Muhtar Cumhuriyetindeki Temsilciligini İndoneziya Cumhuriyetiniñ Ukrainadaki Fevqulâde ve Vekâletli Elçisi Yuddi Krisnandi, Romaniyanıñ Ukrainadaki Fevqulâde ve Vekâletli Elçisi Kristian-Leon Tsurkanu, Moldova Cumhuriyetiniñ Ukrainadaki Elçihanesiniñ ekinci kâtibi Timur Luçin ve GUAM temsilcisi ziyaret ettiler.
Anton Korınevıç ürmetli musafirlerge Qırım platforması Ofisini ve Temsilcilk taqımınıñ fikirince eñ yaqın zamanda ofisniñ ne ile oğraşacağını taqdim etti.
Bundan ğayrı, körüşüvde vaqtınca işğal etilgen topraqlarda yaşağan gençler içün tasil leyhaları ve vatandaşlarımıznen bağ tutuv meseleleri muzakere etildi.
Körüşüvde bulunğanlar Qırımda qanunsız alda yaqalanğan Ukraina vatandaşları, hususan Qırım platforması sammitinde iştirak etken Qırımtatar Milliy Meclisiniñ birinci reis muavini Nariman Celâl, ağa-qardaş Aziz ve Asan Ahtemovlarnı qorçalav ve azat etüv meselesini de muzakere ettiler.
Ukrainanıñ topraq bütünligine ve egemenligine qol tutqan, Qırım yarımadasınıñ işğal etilüvi neticesinde zarar körgen Ukraina vatandaşlarınıñ aq-uquqlarını ve serbestliklerini qorçalavda devletimizge qol tutqan halqara ortaqlarımızğa minnetdarlığımıznı bildiremiz.
Indonesian Embassy Kyiv Ambasada României în Ucraina (Romaniyanıñ Ukrainadaki Elçihanesi) Ambasada Ucrainei în Republica Moldova/Moldova Cumhuriyetiniñ Ukrainadaki Elçihanesi Anton Korınevıç Tamila Taşeva