Sentyabr 15 künü Ukraina Prezidentiniñ Qırım MC Daimiy Temsilcisi Boris Babin, vaqtınca işğal olunğan Qırım yarımadasında yaşap, Herson devlet deñiz akademiyasında ve onıñ terkibindeki bölüklerde oquğan kursantlarnen körüşti.

Körüşüv iştirakçileri vaqtıca işğal olunğan Qırım Muhtar Cumhuriyeti ve Aqyar şeerinde yaşağan abituriyentler içün Herson devlet deñiz akademiyasına kiriş ve bu tasil yurtta oquv şartları aqqında keñiş informatsion kampaniyasınen bağlı bir sıra mesele muzakere ettiler.

Herson devlet deñiz akademiyasında oqumağa istegen vaqtınca işğal olunğan Qırım yarımadasınıñ sakini öz tasil aqlarını münasip şekilde yerine ketirebilmesi içün taraflar bu yonelişte işbirliklerini terenleştirmege añlaştılar.