2018 senesi fevral 12 künü Ukraina Prezidentiniñ Qırım Muhtar Cumhuriyetindeki Daimiy Temsilcisi Boris Babin ve vaqtınca işğâl etilgen topraqlardan köçken vatandaşlarnen çalışqan hızmetniñ reisi Maksim Kojemyaka Devlet migratsiya hızmetiniñ regional bölükleriniñ, Devlet mülk foundunıñ ve ‘‘Dokument’’ devlet müessisesiniñ vekilleri ile Herson vilâyetinde “Dokument’’ DM imkânlarınıñ kenişletüvi boyunca keñeş keçirdiler.
Muşavere devamında ‘‘Dokument’’ DM vekili Herson şeerinde müessise bir iş kününde 120 qadar kişi qabul ete bilgeni aqqında haber etti. Bunıñ sebebi ise, tehnikiy tertibatlarnıñ yetişmemezligi ve vaqtınca işğal etilgen Qırımdan kelgen Ukraina vatandaşlarını qoşma şekilde teşkermege kerek olğanıdır. Müessiseniñ reberiyeti haber etkenine köre, olarnıñ bölügine muracaat etkenlerniñ yarısını kerçekten de işğal etilgen Qırımdan kelgen şahıslar teşkil ete.

‘‘Dokument’’ DM temsilcisi bergen malümatqa köre, 2018 senesiniñ birinci yarısında müessiseniñ Herson şeerinde mevcüt olğan tehnikiy bölügini kenişletmege ve böyleliknen memuriy hızmetlerni künde 300-500 Ukraina vatandaşına bermege planlaştırıla. Müessiseniñ kenişleme planlarınıñ yerine ketirilüvini öz nevbette Temsilcilikniñ tasdıqlanğan nazar noqtası tezleştirdi.

‘‘Dokument’’ DM Herson şeerindeki bölügi içün yañı meskenni qıdıruv vastaları muzakere etildi. Ukraina Milliy Politsiyasınıñ Qırım MC ve Aqyar boyunca Baş idaresiniñ Herson şeerine muvafaqıyetli köçürilüvine esaslanıp, Temsilcilik Devlet maliye fondu tarafından idare etilgen meskenlerni ‘‘Dokument’’ DM bölügi içün kelişken yer tapmaq maqsadınen beraberlikte teşkermege teklif etti.

Keñeş iştirakçileri Herson vilâyetinde, hususan vaqtınca işğal etilgen Qırımdan kelip ketken Ukraina vatandaşları içün, ‘‘Dokument’’ DM-niñ köçüci noqtasınıñ teşkil etilüviniñ orta vadeli istiqbali, müessiseniñ vilâyetniñ birleştirligen territorial cemiyetlerinde teşkil etilgen memuriy hızmet merkezlerinen bir arada çalışmaları muzakere ettiler.