2018 senesi fevral 8 künü İnsan aqları boyunca Avropa makemesi 9 şahısnıñ şikâyetlerine binaen çıqarğan ‘’Klemenkov ve diğerleri Rusiyege qarşı’’ qararı çerçivesinde, başqa cinayetlernen bir sırada, RF tarafından siyasiy mabüs G.N.Afanasyevnı 2015 senesi sentyabr-oktyabr aylarınıñ devamında 3 kere RF-nıñ topraqlarından Sıktıvkar tarafına köçürgende, oña qarşı insan aq-uquqları ve esas azatlıqları boyunca Konventsiyanıñ 3 ve 13 maddelerini bozğanını tanıdı. 2016 senesi aprel 5 künü yazılğan № 20715/16 ariza boyunca imayeci vazifesini Komi Cumhuriyetinden uquqqorçalayıcı E.A.Mezak becerdi.

İAAM Afanasyevniñ, meydancığı 0,4-0,6 metr kare teşkil etip, küneş yarığı, taze ava, içilecek suv, qızınma, keyfiyetli aş, yataq kibi şaraitleri olmağan tar mogedek içinde köçürilgenini tanıdı. İAAM-niñ bu qararı Afanasyevniñ ne sebepten maküm etilgenini ve RF tarafından onıñ başqa aq-uquqlarınıñ bozulğanını beyan etmey, lâkin kene de milliy ve halqara taqiqatlarda işğalci akimiyetniñ işğal olunğan Qırımnıñ ealisine qarşı qanunsız areketleriniñ işbatı olaraq işletilecek.

Qararnıñ ingiliz tilindeki metinini oqumağa mümkün: http://hudoc.echr.coe.int/eng?i=001-180653