2018 senesi ilk yaz ayı (iyün) 8 künü Ukraina Prezidentiniñ Qırım MC Daimiy Temsilcisi Borıs Babin, Ukraina gençlik ve sport Naziriniñ muavini Mıkola Movçan, işbu Nazirlikte idarelerniñ yolbaşçıları, Ukraina futbol federatsiysı, Ukraina Milliy antidoping merkezi, Ukraina saqatları Milliy sport komitetiniñ vekilleri ile iş muşaveresini keçirdi.
Muşavere devamında vaqtınca işğal etilgen Qırımda bulunıp, olimpik, paralimpik ve defalimpik azırlanuv bazaları ve sportiv infrastruktura statusında olğan ukrain beden terbiyesi ve sport muessiselerine, ukrain sportiv federatsiyalarına ve sportiv teşkilâtlarına halqara-uquqiy yardımnıñ meseleleri ve aletleri muzakere etildi.