2018 senesi ilk yaz ayı (iyün) 1 künü Temsilcilikniñ Qırım MC işğalden azat etüv ve ğayrıdan intergatsıyası boyunca hızmetiniñ mütehassısı Tetâna Pokidko, öz temelinde ‘‘Qırım-Ukraina’’ tasil merkezlerini teşkil etken 35 aliy oquv yurtnıñ Herson devlet universitetinde icra akimiyetniñ qol tutuvı ile keçirilgen taqdiminde iştirak etti.

Tedbir devamında Temsilcilikniñ hadimi aliy oquv yurtlarınıñ vekilleri ile muşavere keçirdi ve kelecekte basılı ve video şekilinde içtimaiy reklamanı darqatuv, abituriyentlerge KÇNN keçüvde ve mütenasip memuriy hızmetlerniñ aluvda yardım boyunca işbirlikniñ ameliy yollarını muzakere etti.

‘‘Qırım-Ukraina’’ leyhasınıñ ameliy meselelerini çezüv boyunca nevbetteki muşavere ilk yaz ayı (iyün) 20 künü Herson şeerinde mütenasip memuriy şahıslarnıñ, cemaat teşkilatlarınıñ ve oquv yurtlarınıñ iştiragi ile keçecektir.