2018 senesi berim ayı (sentâbr) 10 künü Kıyiv şeerindeki Vernadskiy adına Tavriya Milliy Universitetinde Suudi Arabistan Qırallığı qıralınıñ oğlu azretleri Faysal bin Sultan bin Nasera al Saudanıñ, arap ve başqa devletlerden diplomatlarnıñ, merkeziy akimiyet organları ve ilmiy teşkilâtları vekilleriniñ iştiragi ile aliy tasil boyunca Birinci ukrain-arap konferentsiyası olıp keçti.
Ukraina Prezidentiniñ Qırım MC Daimiy Temsilcisi Borıs Babin öz çıqışında vaqtınca işğal etilgen Qırımdan köçürilgen Tavriya Milliy universitetiniñ ilimde ve tasilde muim rölüni qayd etti, istilâci devletniñ Qırımnı ilhaq etmek ıntıluvlarına qol tutmağanları içün Ukrainanıñ ortaqları olğan arap devletlerine minnetdarlığını bildirdi.