Dekabr 12 künü işğal etilgen Qırımda Rusiye mahsus hızmetleriniñ nevbetteki adaletsiz areketleri yüz berdi – qırımtatar faalci, İçki rayonınıñ Urojayne (Ferngeym) köyünde yerli Meclis reisi ve regional Meclis azası İbraim Osmanovnıñ evinde tintüv keçti. Evniñ saibi İbraim Osmanov özü evde yoq edi. Onıñ apayı aytqanına köre, rus ”silâlıları” iç bir türlü vesiqa köstermediler. Qanunsız tintüvden soñ, İbraim Osmanovnıñ oğlu Rüstem Osmanovnı tutuqlap, belli olmağan tarafqa alıp kettiler.

Al-azırda haber etilgenine köre, Rüstemge Aqmescitniñ Kiyev rayon polis bölügini terk etmege ruhset bergenler.