Oktyabr 2 künü 2017 senesi işğalci memleketniñ akimiyeti Qırımda nevbetteki qanunsız tintüvlerni keçirdi, bunıñ neticesinde dört qırımtatar bu sefer ”Tabligi Camaat” teşkilyatınıñ faaliyetinde iştirak etkenlerinde qabaatlanıp apis etildi, bu ise vaqtınca işğal olunğan Ukraina toprağında Ukraina vatandaşları uydurılğan sebeplernen devamlı surette taqip etilgenini tasdıqlay.

Renat Suleymanov, Arsen Kurbedinov, Seyran Mustafayev ve 64-yaşlı Talyat Abdurahmanovnı Aqmescitteki FSB idaresine ketirip, ”yımşaq” sıñırlama tedbirlerine qarşılıq olaraq öz-özüne iftira atmağa talap ettiler.

Şunı da qayd etmeli ki, qırımtatar halqına qarşı cezalav siyasetini devam ettirmek maqsadınen, Rusiye Federatsiyası yañı ”aşırıcı teşkilâtlar’’ uydura. Ukraina vatandaşları olğan qırımtatarlarnıñ vaqtınca işğal olunğan Qırım Muhtar Cumhuriyetinde uydurılğan sebeplernen apis etilüvi esassız ve qanınsızdır.