2019 senesi çiçek (aprel) ayı 19 künü T. Şevçenko adına Kıyiv milliy universiteti terkibindeki halqara alâqalar İnstitutı teşkil etken ”Qırımdaki haber saasını işğalden azat etüv ve ğayrıdan integratsiyası: halqara-uquqiy ve media-haberleşüv aletleri” mevzusında konferentsiya olıp keçti. Yerli alimler ve ekspertler tarafından ziyaret etilgen tedbirge Ukraina haber siyaseti Nazirligi qol tuttı.

Temsilcilikteki halqara alâqalar hızmetiniñ reisi Yevgen Samuha konferentsiyada iştirak eter eken, iştirakçilerge vaqtınca işğal etilgen Qırımda haber saasındaki vaziyet ve yarımadada yaşağan, ya da memleket içinde köçken Ukraina vatandaşlarınıñ informatsion-haberleşüv meselelerini çezüv boyunca Temsilcilikniñ faaliyetini aydınlattı.

Bundan da ğayrı, tedbir çerçivesinde Qırımtatar halqı meseleleri boyunca Ukraina Prezidentiniñ Vekâletlisi Mustafa Cemilev İnstitutta ”Kreml mabusları” serlevalı sergini açtı.