2018 senesi boş ay (noyabr) 29 künü Temsilcilikteki halqara alâqalar ve uquqiy talil hızmetleriniñ baş mesleatçıları Valeriya Pahomova ve Ruslan Seydametov ”Qırımdaki ukrain esirleri ve Jeneva konventsiyası” mevzusında matbuat konferentsiyasında iştirak ettiler.

Matbuat konferentsiyasını halqara uquq saasında adliyeci, Şevçenko adına Milliy Universitetniñ halqara munasebetler İnstitutında halqara uquq kafedrasınıñ dotsenti Т. Anton Korineviç keçirip, RF silâlı quvetleri tarafından esirge alınıp, vaqtınca işğal etilgen Qırımda tutulğan ukrain gemicileriniñ uquqiy mevamı aqqında haber etti.

Anton Korineviç Azaq deñizindeki vaqialarnı ”deñiz uruşı” olaraq adlandırdı ve ukrain gemicileri şubesiz cenk esirleri mevamında bulunğanlarını bildirdi.

Olarnıñ mevamlarını bildirgen esas vesiqa – cenk esirleri ile davranış boyunca III Jeneva konventsiyasıdır, gemicilerni ”cinaiy mesüliyetke” çekecek olğan Rusiye ise onı boza. Matbuat konferentsiyasında istilâcı devlet tarafından qanunsız şekilde tutulğan gemicilerimizniñ aq-uquqları aqqında malümat berildi, bu devlet cenk esirlerini istegen yerge köçüre bile, amma olarnı apishane ya da SİZO kibi yerlerde tutmağa aqqı yoq. Olarnı mahsus yerlerde tutmağa kerekler.

Alim işbu tecavüz aktını BMT deñiz uquqı boyunca Halqara tribunalında al-azırda baqılğan dava çerçivesinde qoşma isbat olaraq taqdim etmege mümkün olğanını qayd etti.