2018 senesi (fevral) kiçik aynıñ 24 künü Kyiv şeerindeki ‘‘Qırım evinde’’ Daimiy Temsilciniñ Birinci muavini İzet Gdanov, Temsilcilikniñ halqara alâqalar ve uquqiy talil hızmetleriniñ vekilleri Ukraina Şarqındaki cenk areketlerine celp etilgen qırımlı askerlerine bağışlanğan «Qırımlı ateş sızığı» serlevalı Kris Kulakovskayanıñ müelliflik fotoleyhasınıñ taqdiminde iştirak ettiler.

Tedbirde Mustafa Cemilev, Refat Çubarov, İlmi Umerov, Ahtem Çiygoz, Qırımtatar halqı Milliy Meclisiniñ diger azaları, qırımlı askerler, kinorejissör ve aktör Ahtem Seyitablayev, leyhanıñ müellifi, faalciler ve cemaattan seyirciler iştirak etti. Fotosergide 10 qırım askerleriniñ resimleri ile olarnıñ ömürleri aqqında ikâyeler taqdim etildi. Taqdimniñ çerçivesinde Qırım işğaliniñ yıldönümi munasebetinen munaqaşa keçirildi, Ukraina Silâlı Küçleriniñ terkibinde qırımtatar batalyonınıñ teşkil etilüvi meselesi köterildi.