”QIRIM-UKRAİNA” leyhası çerçivesinde siz 35 ukrain aliy oquv yurtuna qolaylaştırılğan usulnen oquvğa kire bilesiñiz. Yani, Tışqı mustaqıl baalavni tapşırmağa kerekmey, ukrain pasportıñız ya da attestatıñız olmasa, zararı yoq.

İlk yaz (iyün) ayı 3 kününden başlap, berim (sentâbr) ayı 27 kününe qadar Herson devlet universiteti, Herson milliy tehnikiy universitet, Herson devlet agrar universiteti, Herson devlet deñiz akademiyası, admiral Makarov adına Milliy gemi qurucılığı universitetiniñ Herson şübesi temelinde ”Qırım-Ukraina” tasil merkezleri çalışa.

Qırımdaki gençlerge vaqtınca işğal etilgen Qırım MC-de berilgen ”diplomlar” ve diger ”tasil vesiqaları” ne de Ukrainada, ne de dünyanıñ başqa memleketlerinde tanılmağanını hatırlatamız.

SICAQ AĞ TELEFONLARI: Ukraina tasil ve ilim nazirligi: (044) 287-89-29; Ukraina Prezidentiniñ Qırım Muhtar Cumhuriyetindeki Temsilciligi: 0-800-502-192; ”Açıq siyaset” Fondı : 0-800-504-425.