2018 senesi boş ay (noyabr) 28 künü Temsilcilikteki uquqiy talil hızmetiniñ baş mesleatçısı Ruslan Seydametov Ukraina Yuqarı Şurası içtimaiy siyaset, meşğullik ve pensiya ile teminlev meseleleri boyunca Komitetiniñ (Ukraina Nazirler Şurası 2018 senesi çiçek (aprel) ayı 27 künü qabul etken ve 2018 senesi ekim (oktâbr) ayı 17 künü deñiştirgen 329 sanlı qararı boyunca) mesken subsidiyalarnı tayin etken Tertipke binaen subsidiyalarnı resmiyleştirüv esnasında peyda olğan esas meseleler boyunca toplaşuvında iştirak etti.

İş muşaveresinde Ukraina halq deputatları, Ukraina Yuqarı Şurası İnsan aqları boyunca Vekâletlisiniñ temsilcisi, Ukraina Esap odasınıñ, icra akimiyeti merkeziy organlarınıñ ve cemaat teşkilâtlarınıñ vekilleri iştirak etti.