2018 senesi boş ay (noyabr) 23 künü Ukraina Prezidentiniñ Qırım MC Daimiy Temsilcisiniñ Birinci muavini İzet Gdanovnıñ yolbaşçılığında vaqtınca işğal etilgen Qırımdan Ukrainanıñ qıtaiy qısımına köçken Ukraina vatandaşlarını pensiya ile teminlev boyunca muşavere olıp keçti.

Muşaverede Ukraina içtimaiy siyaset Nazirliginiñ, Ukraina Pension Fondunıñ, Ukraina Yuqarı Şurasınıñ insan aqları boyunca Vekâletlisi Kâtibiyetiniñ, Ukraina havfsızlıq Hızmetiniñ vekilleri iştirak etti.

Muşavere esnasında onıñ iştirakçileri mecburen Qırım MC-ni terk etken Ukraina vatandaşlarına pensiyalarnıñ tölenmesini belgilegen ayrı tertipni qabul etmege kerek olğanı qarar etildi.

Muşavere iştirakçileri yuqarıda añılğan tertip boyunca teklifleriniñ umumiyleştirilmesi içün, olarnı Temsilcilikke yollamağa añlaştılar.