2018 senesi ekim (oktâbr) ayı 17 künü Ukraina Prezidentiniñ Qırım MC Daimiy Temsilcisi Borıs Babin ve Temsilcilikteki halqara alâqalar hızmetiniñ baş mesleatçısı Valeriya Pahomova Ukraina içtimaiy siyaset Naziri Andriy Reva ve onıñ birinci muavini Olga Krentovska ile iş körüşüvini keçirdiler.

Körüşüv esnasında Ukrainanıñ vaqtınca işğal etilgen Qırım toprağından istilânıñ devam etmesine qarşılıq kösterüv, Qırımda Ukraina devletiniñ, uquqiy şahıslarınıñ ve vatandaşlarınıñ aq-uquqlarını qorçalav boyunca 2018-2019 seneleri içün acele tedbirler Planını yerine ketirüv boyunca işbirlik muzakere etildi.

Körüşüvniñ neticesi olaraq, taraflar memleket içinde köçken, ya da Qırımdan kelgen vatandaşlarına içtimaiy hızmetlerni berüv, olarnıñ içtimaiy aqlarını qorçalav ve temin etüv boyunca kelecekte işbirlik aqqında añlaştılar.