2018 senesi qural ay (mayıs) 11 künü Ukraina Prezidentiniñ Qırım MC Temsilciliginiñ hadimleri cemaat teşkilatları tarafından teşkil etilgen ‘‘Memleket içinde köçken şahıslarnıñ saylav ve diger aqlarını temin etüv: deputatlar ile dialog’’ mevzusında tögerek masada iştirak ettiler. Tedbir devamında resmiy şekilde qayd etilgen memleket içinde köçken şahıslarnıñ Herson vilâyetinde ve umumen Ukrainada miqdarı ilân etildi, memleket içinde köçken şahıslarnıñ yerli saylavlarda iştirak aqlarınıñ temin etilüvi boyunca parlamentte baqılacaq qanun leyhasınıñ mündericesi bildirildi.