Ukraina Prezidentiniñ Qırım Muhtar Cumhuriyetindeki Temsilciligi, İnsan aqları oğrunda media teşebbüsive İnsan aqları boyunca Ukraina-Helsinki birligi 2021 senesi saban ayınıñ 11-de Ukraina milliy mudafaa ve havfsızlıq Şurasınıñ oturışuvında qabul etilip, Rusiye tarafından vaqtınca işğal etilgen Qırım yarımadasını işğalden azat etüv ve ğayrıdan integratsiya etüvge dair devlet siyasetiniñ ilk nevbetteki vazifelerini ve esas yönelişlerini belgilegen Qırımnı işğalden azat etüv ve ğayrıdan integratsiya etüv Strategiyasını muzakere etüvge bağışlanğan Zoom-konferentsiyasına qoşulmağa davet eteler.

Ne vaqıt: saban ayınıñ 23-de (saat 13:00-dan 14:30 qadar)

Tedbir iştirakçileri:

• Oleksiy Reznikov, Baş nazir muavini – Vaqtınca işğal etilgen Ukraina topraqlarını ğayrıdan integratsiya etüv meseleleri boyunca Nazir;
  
• Anton Korınevıç, Ukraina Prezidentiniñ Qırım Muhtar Cumhuriyetindeki Daimiy Temsilcisi;
  
• Refat Çubarov, Qırımtatar Milliy Meclisiniñ reisi;
  
• Yuliya Kazdobina,
  
• Olga Kurışko, ”QırımSOS” cemaat birliginiñ ortaq teşkilâtçısı;
  
• Olga Skrıpnık, Qırım aq qorçalayıcı gruppasınıñ idare başlığı;
  
• Yuliya Tışçenko, Tınçlıq ve havfsız ğayrıdan integratsiya etüv oğrundaki milliy platformanıñ ortaq teşkilâtçısı, Strategik tedqiqatlar milliy institutınıñ mesleatcışı.

Yönetici: Mariya Tomak, İnsan aqları içün media teşebbüsiniñ yöneticisi.
Qayd etüv https://forms.gle/ehhakaFU1xc3dCRR6 bağlantısı boyunca saban ayınıñ 22 saat 23:00 qadar devam etecek

Çeşit türlü sualleriñiznen [email protected], 068 515 33 80 muracaat ete bilesiñiz.

Tedbir USAID Ukraine – USAID Україна programmasınıñ ”İnsan aqları amelde” leyhası çerçivesinde teşkil etildi.