Uquqiy islâat meseleleri boyunca Komissiya çerçivesindeki vaqtınca işğal etilgen topraqlarnı ğayrudan integratsiya etüv boyunca iş gruppası Donetsk ve Lugansk vilâyetleriniñ ayrıca qısımlarını ve Qırım Muhtar Cumhuriyetini ğayrıdan integratsiya etüv boyunca uquqiy temelleriniñ esas yönelişlerini azırlamalı, dep qayd ete Prezident ofisiniñ reis muavini Ruslan Râboşapka.

”Vaqtınca işğal etilgen Donbas ve Qırım topraqları yalıñız qaytarılacaq topraq parçası degildir. Aynı vaqıtta olar, bu topraqlarda yaşağan ve 5 yıllıq ayrılıqtan soñ umumiy ayatımıznıñ ğayrıdan tiklenenmesine lâyıq olğan ukrainalılar, 1,4 million memleket içinde mecburen köçken şahıs, olarnıñ bir qısımı öz bozulğan evlerine qaytmağa ister, toprağımıznıñ vaqtınca işğali ile bağlı olğan daa bir çoq mesele bar”, – dep yazdı o içtimaiy ağlarındaki saifesinde.

”Qalabalıqtan qaçınmaq içün normal ayatqa qaytuv ceryanlarını idare etmelimiz”, – yaza eminliknen Ruslan Râboşapka.

Bu maqsad ile devlet Başlığı ofisiniñ reis muavini Ukraina prezidentiniñ Qırım MC-deki Daimiy Temsilcisi ve Uquqiy islâat meseleleri boyunca Komissiya çerçivesindeki vaqtınca işğal etilgen topraqlarnı ğayrudan integratsiya etüv boyunca iş gruppasınıñ başlığı Anton Korınevıç, Qırım Muhtar Cumhuriyetininiñ prokurorı Günduz Mamedov ile beraber işbu vaqtınca işğal etilgen Donetsk ile Lugansk vilâyetleriniñ, Qırım ve Aqyar topraqlarınıñ Ukraina nezaretine qaytarılması içün uquqiy esaslarını teşkil etüv boyunca faaliyetniñ esas yönelişlerini muzakere etti.

”Esas ğayelerniñ arasında, muntazam şekilde közden keçirilgen areket planı ile işğal etilgen topraqlarnı ğayrıdan integratsiya etüv Strategiyasında olğan ihtiyac”, – dep bildirdi Ruslan Râboşapka.

Onıñ fikirince, işğal etilgen topraqlarda tınçlıqnı ve adetteki yaşayışnı ğayrıdan tiklemek, vatandaş aq-uquqlarınıñ bozuluvını toqtatmaq, yapılğan cinayetler içün mesüliyetke çekmek ve zararlarnı tazmin etmek maqsadınen keçici devirdeki adliye esasları, halqara gumanitar ve halqara cinaiy uquqnıñ easları amelge keçirilecektir.

”Bundan ğayrı, ilk nevbetteki meselelerden daa biri – aman-aman 20 sene evelsi imzalanğan Halqara cinaiy mahkemesi Roma nizamnamesiniñ niayet qabul etilmesidir”, – dep qoştı o.

”Söz kelimi, esasen cemaat teşkilâtlarınıñ vekillerinden teşkil etilgen iş gruppası halqara tecribesinen faydalanacaqtır. Uquqiy islâat meseleleri boyunca Komissiyanıñ birinci toplaşuvında gruppanıñ esas yönelişleri taqdim etilmeli, 2020 senesine qadar ise prezident teşebbüsleriniñ birinci qısımı azırlanmalıdır”, – dep yekün çekti Prezident ofisiniñ reis muavini Ruslan Râboşapka.

Menba: https://www.president.gov.ua/news/pershij-paket-prezidentskih-iniciativ-shodo-reintegraciyi-do-56833