2018 senesi oraq ayı (iyül) 18 künü Ukraina Prezidentiniñ Qırım MC Daimiy Temsilcisi Borıs Babin, Ukraina infrastruktura Naziriniñ muavini Yuriy Lavrenük ile Ukraina infrastruktura Nazirliginde rusiye istilâsınıñ kerginleşüvi şaraitlerinde Qara ve Azaq deñizlerinde ve Keriç boğazında Ukrainanıñ milliy menfaatları içün telükeler boyunca muşavere keçirdi. Muşaverede Temsilcilikte uquqiy talil ve halqara alâqalar hızmetleriniñ hadimleri, Ukraina infrastruktura Nazirliginiñ, Ukraina çetel işler Nazirliginiñ, Devlet sıñır hızmetiniñ, Ukraina havfsızlıq hızmetiniñ, Naqliyatta havfsızlıq boyunca devlet hızmetiniñ, Ukraina deñiz limanları memuriyetiniñ, Deñiz qıdıruv-qurtaruv hızmetiniñ, ‘‘Çetel işler Maydanı’’ Fondunıñ vekilleri ve başqa şahıslar iştirak etti. Nazirlikte bundan evel oraq ayı 16 künü keçirilgen toplaşuv devamında işğalci devlet tarafından deñiz uquqınıñ bozuluvı boyunca Ukrainanıñ uquqiy mevamı ve tasdıqlar bazasınıñ hususiyetleri, Qırımnıñ etrafındaki deñiz suvlarında deñizcilik ve balıqçılıq serbestliginiñ sıñırlanuvına qarşılıq kösterüv olaraq qanun yaratıcılıq, teşkiliy ve başqa tedbirler muzakere etildi. Borıs Babin Qırımnıñ etrafındaki deñizcilikke istilâcı devlettke boysunğan küçleriniñ qanunsız şekilde qarışuvı boyunca adliy ceryanlar saasında uquq qorçalav ve başqa organlarnıñ faaliyetini mükemmelleştirmege kerek olğanını qayd etti, Ukraina akimiyet organlarınıñ Halqara deñizcilık teşkilâtı (IMO), Aşayt ve köy hocalığı teşkilâtı (FAO), Halqara emek teşkilâtı (ILO), deñiz havfsızlığı meseleleri boyunca Avropa agentligi, çetel devletleriniñ deñiz memuriyetleri ile işbirlik şekilleri boyunca munaqaşada iştirak etti. Oñaytlı bayraqlarnıñ devlet organları olmağan deñiz memuriyetleri ile çalışuvga ayrıca diqqat berildi. Muşavereniñ neticesi olaraq, onıñ iştirakçileri bir sıra umumiy tekliflerni azırladılar, Temsilcilik öz vekâleti çerçivesinde olar üstünde çalışmağa devam etecektir.