2018 senesi (fevral) kiçik aynıñ 26 künü Temsilcilikniñ Qırım MC işgalden azat etilüvi ve reintegratsiyası boyunca hızmetiniñ baş mesleatçısı B.E. Kerimov Qırımnıñ qarşılıq kösterüv künü munasebetinen Herson vilâyeti Geniçesk şeerinde olıp keçken vatanperver tedbirde iştirak etti. Öz çıqışında Bahşiş Kerimov Ukrainanıñ Qırımda temel halqı olğan qırımtatar halqınıñ milliy areketiniñ emiyetini qayd etti.
Geniçesk rayon devlet memuriyeti tarafından azırlanğan tedbirde yerli cemaatnıñ, Qırımtatar halqı regional Meclisiniñ temsilcileri, gönülliler teşkilâtlarınıñ vekilleri, devlet memurları da iştirak etti. Siyasiy levhalardan ve qarşılıq kösterüvniñ faalleri olğan siyasiy mabüsleriniñ fotoresimlerinden teşkil etilgen sergi numayış etildi.