2018 senesi ilk yaz ayı (iyün) 5 künü Ukraina Milliy hatıra institutı ‘‘Ukrinform’’ (Kıyiv) agentliginde Qırımnıñ Rusiye tarafından işğaline bağışlanğan ‘‘Renksiz zonanıñ adamları’’ serlevalı kitapnı taqdım etti. Taqdim etilgen kitapta Qırım yarımadasınıñ Rusiye tarafından işğaliniñ şaatları ve qurbanları olğan 
ellige yaqın insannıñ hatırlarvları ketirile, bu ikâyeler Qırımnı ilhaq etmek ıntıluvlar ‘‘qansız’’ olmağanını tasdıqlay. Yuqarında qayd etilgen kitapnıñ taqdiminde Temsilcilikte uquqiy talil hızmetiniñ baş mesleatçısı Ruslan Seydametov iştirak etti.
Temsilcilik mezkür kitapnıñ basılğan şekilini vaqtınca işğal etilgen Qırımnıñ meseleleri ile oğraşmağa vekâletleri olğan organlar ve hızmetler arasında darqatmağa yardım etecek.
Kitapnıñ elektronik şekili: