”Vdoma” (”Evde”) cep ilâvesini öz smartfonına yüklegen ve KÇNN-dan Ukraina Ükümeti tarafından nezaret etilgen tarafqa keçken vatandaşlar içün test tapşıruv imkâniyeti peyda olacaq.
Al-azırda testler ”Qalançaq”, ”Çonğar” ve ”Novotroyitske” KÇNN-da tapşırıla bile.

Qara qış ayından berli bu fırsattan 3313 kişi faydalandı (”Çonğar” KÇNN – 1274, ”Qalançaq” KÇNN – 1335 ve ”Novotroyitske” KÇNN – 704 kisi).

Tafsilâtlı malümatnı Vaqtınca işğal etilgen topraqlarnı ğayrıdan integratsiya etüv meseleleri boyunca Ukraina nazirligi, Ukraina cemaat sağlığı Merkezi, Ukraina sağlıq saqlav Nazirligi, Pravo na zahıst ve Qırım_SOS teşkilâtları tarafından azırlanğan talimatta oqumağa mümkün.