- Suleyman Asanov 19 yılğa
- Memet Belâlov 18 yılğa
- Timur İbragimov 17 yılğa
- Seyran Saliyev 16 yılğa
- Server Mustafayev 14 yılğa
- Server Zekeryayev 13 yılğa
- Edem Smayilov 13 yılğa azatlıqtan marum etildi.
- Ernes Ametov makeme salonında azat etildi.
Olarnıñ episi qattı apıs şaraitlerinde cezalarını çekecekler.
”Vatandaşlarımıznı taqip etken ve Server Mustafayevni, Seyran Saliyevni ve ”Qırım birdemliginiñ” diger faalcilerni azatlıqtan marum etken RF akimiyetiniñ areketlerine cenk cinayetleri olaraq qıymet kesile ve işğalci akimiyetniñ er bir temsilcisi yapqan işbu cinayet içün ertemi, keçmi şahsiy cinaiy mesüliyetke çekilecektir. Ukraina akimiyeti işbu cinayetlerniñ resmiyleştirüvi ve taqiq etüvi içün qolundan kelgenini yapmaqta. Bundan ğayrı, yüzlernen reinelerimiz Kreml esirliginde bulunğan arada, esir vatandaşlarımıznıñ ve qorantalarınıñ devletten sistematik sürette qol tutuv almaları içün qolumızdan kelgen er şeyni yapmamız pek müimdir. Temsilcilik vaqtınca işğal etilgen topraqlarnı ğayrıdan integratsiya etüv meseleleri boyunca Nazirlik ve aq qorçalayıcı teşkilâtlarnen beraber mütenasip qanun leyhasını azırladı ve onıñ qabul etilmesi üzerinde çalışmaqtadır”, – dep izaatlay Ukraina Prezidentiniñ Qırım Muhtar Cumhuriyetindeki Daimiy Temsilcisiniñ Birinci muavini Darya Svırıdova.