Ukraina çetel İşler Nazirligi Rusiye Federatsiyasınıñ arbiy idmanlarını manaçıq etip, arbiy gemileri ve başqa devletlerniñ gemileri içün Keriç boğazına taba Qara deñiz suvlarını kelecek aftadan başlap, 2021 senesi ekim ayınace qapatmağa niyetlengenine qarşı qattı narazlığını bildire.

Rusiye Federatsiyasınıñ bu kibi areketleri halqara uquqnıñ şart ve qaidelerini boza, deñiz yalısında bulunğan mustaqil Ukraina devletiniñ aqlarına toquna, çünki haqara qanunlarğa binaen, Qara deñizniñ işbu qısımında gemicilik Ukraina tarafından idare etilmeli.

Bundan ğayrı böyle adımlar BM teşkilâtınıñ deñiz uquqı boyunca Qararnamesi ile kefil etilgen gemicilik serbestligi aqqını qaba şekilde boza. Qararnamege binaen, Rusiye Federatsiyası halqara boğazdan Azaq deñizindeki limanlarğa taba areket etken gemilerge mania olmamalı.

Rusiye tarafınıñ areketleri, arbiy ve gibrid vastalarnıñ yardımınen Ukrainağa qarşı alıp barğan tecavüzniñ devam ettirmesinden vazgeçmege niyeti olmağanını numayış ete.

Tafsilâtlı malümat:
https://cutt.ly/rvhAiTV