2018 senesi oraq (iyül) 26 künü Temsilcilikte uquqiy talil hızmetiniñ baş mesleatçısı İnsan aqları boyunca regional merkezniñ vekilleriniñ, İnsan aqları boyunca Avropa mahkemesi vekâletlisiniñ ve Qırım MC prokuror muavininiñ Qırım sakinlerini yarımadanı terk etmege mecbur etken işğalci devletni mesüliyetke çeküv meselesi boyunca Ukraina buhran media merkezinde keçirilgen umumiy matbuat konferentsiyasında iştirak etti. Halqara gumanitar uquqnıñ şartlarını bozıp, vaqtınca işğal etilgen Qırımğa işğalci akimiyetke qol tutqan vatandaşlarını köçürgen RF-na qarşılıq kösterüv vastaları ve halqara teşkilâtlarğa mütenasip şikâyetlerniñ istiqbali muzakere etildi.

Vaqtınca işğal etilgen Qırımda mütenasip uquqiy esası olmadan yaşağan fizikiy şahıslarnıñ ve olardan doğğan balalarnıñ statusını uquq ceetten belgilev, Ukraina vatandaşlarına qanunsız alda işğalci devletniñ vatandaşlığını keñişletüv 2018 senesi ilk yaz ayı (iyün) 20 künü qabul etilgen Ukrainanıñ vaqtınca işğal etilgen Qırım toprağından istilânıñ devam etmesine qarşılıq kösterüv, Qırımda Ukraina devletiniñ, uquqiy şahıslarınıñ ve vatandaşlarınıñ aq-uquqlarını qorçalav boyunca 2018-2019 seneleri içün acele areket Planıñ 4.7 maddesinde qayd etilgendir, al-azırdaTemsilcilik başqa akimiyet organları ile beraberonı amelge keçirüv üstünde çalışmaqtadır.