Ukraina Prezidenti Petro Poroşenko Yuqarı Şurada tünevinki çıqışı esnasında Birleşken Milletler Teşkilâtı Havfsızlıq Şurasınıñ Azaq deñizindeki vaziyet boyunca acele toplaşuvı Rusiyege iç bir kimse inanmağanını numayış etkenini ve Azaq deñizinde Rusiye Federatsiyasınıñ Ukrainağa qarşı tecavüz areketleri açıq-aydın tasdıqlanğanını qayd etti.

Bundan da ğayrı, onıñ sözlerine köre, bütün düñya Azaq deñizinde neler olğanını körgen soñ, bizim istihbaratımız ukrain arbiyleri ögünde turğan telükelerni, olarğa qarşı ateş nasıl açılğanını, ukrain gemiler nasıl urulğanını ve ukrain deñizcileri maqtavğa lâyıq davranğanlarını numayış etken soñ, NATO-nıñ Brüsseldeki baş ofisinde Ukraina-NATO mahsus komissiyasınıñ toplaşuvını keçirilmesine de qarar berildi.

Prezident, Baş Komandan olaraq Ukraina arbiy-deñiz Quvetleriniñ gemilerine qarşı al-azırda bütün dünya memleketlerine ve paytahlarına numayış etilgen rusiye istilâsından soñ devletimiz ögünde turğan telükeler ve havflar aqqında haberdar olğanını qayd etti.

O, Ukraina bütün küçleriniñ birleşüvine muhtaç olğanını qayd etti.