Qırımda yaşağan ya da Qırımdan memleket içinde köçken Şarqiy Hristianlığınıñ vekilleri! Ürmetli imanlı insanlar – askerler, uquq qorçalav organlarnıñ hadimleri, alimler, diplomatlar, gönülliler, Qırım cebesinde hızmet etken bütün vatandaşlar.

Ukraina Prezidentiniñ Qırım MC Temsilciligi epiñizni Pashalya bayramınen hayırlay.

Er hristian içün ayatnıñ ölüm üzerinde, eyilikniñ yamanlıq üzerinde, kerçekniñ yalan üzerinde ğalebesini temsil etken bayram, bizde bütün içki ve tışqı duşmanlarımız üzerinde ğalebemizge İşanç doğura, azatlıq, aqiqat yolumıznı aydınlata, tınçlıq ve birlikke alıp ketmektedir. Birlikte yapılğan eyi işlerimiz er ukrainalınıñ yüreğindeki işançnı arttırsın, er kesni devlet egemenliginiñ ğayrıdan tiklenmesi ve Qırımnı Ukrainanıñ bayrağı altına qaytarılması oğrunda birleştirsin.

Can-göñülden Sizge qaviy sağlıq, küç-quvet, ruhiy tınçlıq, barışıq, Tañrınıñ qorçalavını tileymiz!

Hristos Tirildi!