Vaqtınca işğal etilgen topraqlarda yaşağan ukrayinler içün yaratılğan “Sen Ukrayinadasıñ” platforması endi qırımtatar tilinde de çalışıp başladı.

Hızmetni daa 2024 senesi vaqtınca işğal etilgen topraqlarındaki “Jovta Striçka” qarşılıq areketi ve Ukrayina strategik kommunikatsiyalar merkeziniñ “Dovidka.info” leyhası tarafından başlatılğan edi.

Platformada böyle malümatnı tapmaq mümkün:

• serbest ve telükesiz VPN ve brauzerler;
• tintüv ve sorğu vaqtında özüñni nasıl alıp barmaq ve zornen pasportlaştıruvdan nasıl qorçalamaq aqqında talimatlar;
• tibbiy yardım ve raqamlı havfsızlıq aqqında tevsiyeler;
• informatsion tirenüv içün materiallar;
• balalar ve büyükler içün ukrayin tili kursları.

Platforma çalışıp başlağanından berli işğal etilgen territoriyalarnıñ 2 biñden ziyade sakini havfsız VPN aqqında tevsiyelerden endi faydalandılar, 250-ge yaqın bala ve büyükler ukrayin tilini ögreneler.