2018 senesi oraq ayı (iyül) 12 künü Ukraina Prezidenti Petro Poroşenko Brüsselde olıp keçken matbuat konferentsiyası devamında, bütün körüşmeleri esnasında Rusiyeniñ apishanelerinde, ya da işğal etilgen topraqlarda tutulğan ukrain reinelerni ve siyasiy mabuslarnı azat etüv meselesi muzakere etilgeni aqqında bildirdi. ‘‘Er körüşüvde, bu cümleden, Recep Tayıp Erdogan ile yançıq bitken körüşüvimiz esnasında qırımtatarlarnı azat etüv meselesiniñ muimligi qayd etildi’’, – dep bildirdi Ukraina Prezidenti. Petro Poroşenko, Frenkistan Prezidenti Emmanueil Makron ile arbiy-tehnikiy işbirlikten başlap, reinelerni azat etüvge qadar bir sıra meselelerni muzakere etkeni aqqında haber etti.