İyünniñ 12-nde Qırım Muhtar Cumhuriyetiniñ prokuraturasınıñ bildirüvine köre, Kıyiv şeeriniñ Dniprovskiy rayon mahkemesi çetel gemini Aktivlerni tapuv, qıdıruv ve idare etüv milliy agentligine (ARMA) berüv aqqında Qırım Muhtar Cumhuriyeti ve Aqyar Prokuraturasınıñ muracaatını qanaatlendirdi.

Kontekst: 2025 senesi aprel ayında Ukrainanıñ içki suvlarında, Dunay özeni etrafında bir gemi tutuldı. Tedqiqatqa köre, 2024 senesi noyabr ayında tış devletniñ bayrağı astında quru yük gemisi Ukraina tarafından qapatılğan Aqyar ticaret deñiz limanından qanunsız 4,6 biñ tonnadan ziyade boğday çıqardı. Boğday, ihtimal Zaporijya ve Herson vilâyetleriniñ vaqtınca işğal etilgen topraqlarında tecavuzcı devletniñ vekilleri tarafından elge keçirilgen ve işğal etilgen Qırımdan üçünci memleketlerge satmaq içün nisbetlengen edi.

Moldova limanlarından birinde yüklengen soñ, gemi Ukrainanıñ territorial suvlarından keçip, anda toqtatıldı. Tintüvler vaqtında uquq qorçalav organlarınıñ hadimleri navigatsiya donatmalarını, kompyüterlerni, cep telefonlarını, gemi vesiqalarını ve cinayetniñ yapılğanını tasdıqlağan diger isbatlarnı elge keçirdiler.

Şimdiki vaqıtta gemi kapitanına Ukraina Cinaiy kodeksiniñ 332-1 maddesi 2-nci qısmı boyunca devlet menfaatlarına zarar ketirmek maqsadınen Ukrainanıñ vaqtınca işğal etilgen territoriyasına kirüv ve çıquv tertibini bozuv aqqında şübe bildirildi. Qırım Muhtar Cumhuriyeti ve Aqyar Prokuraturasınıñ usul yolbaşçılığı altında mahkeme evelsi teşkerüv devam ete. Onı Qırım Muhtar Cumhuriyetindeki SBU Baş İdaresi Ukraina Devlet Sıñır Hızmetiniñ deñiz qorçalav bölükleri ve Ukraina Silâlı Quvetleriniñ Deñiz Quvetlerinen birlikte ile alıp bara. Qanunsız faaliyetniñ bütün sebeplerini ve iştirak etken şahıslarnı belgilemek içün tedbirler körüle.