Oktâbrniñ 2-nde Ukraнin kanadalı studentler birleşmesi (SUSK) Ukraнina Prezidentiniñ Qırım Muhtar Cumhuriyetindeki Temsilciliginiñ ve Qırım platformasınıñ Ofisiniñ destegi ile Ukraнina Tışqı işler nazirligi tarafından başlatılğan Qırım siyasiy mabüsleri içün advokatlıq ögretüv teşebbüsine qoşulğanını ilân etti. Bu programma çerçivesinde SUSK, Rusiye tarafından qanunsız tutulğan üç genç siyasiy mabüsniñ mentorlığını aldı:

Andriy Kuliyeviç, 25 yaşında 

O, 2020 senesi Rusiye işğalci rejimine qarşı levhalarnı tarqatqan edi. Onı “terrorizm” ve “patlayıcı maddelerniñ qanunsız saqlanuvı” qabaatlavları ile 7,5 yılğa qadar apis cezasına mahküm ettiler.

Appaz Kurtamet, 23 yaşında

İşğalciler tarafından 2022 senesi iyül ayında tutıp alınğan ve Rusiye memuriyeti tarafından ukrayin göñülli batalyonında hızmet etken dostu ile bağ qurğanını belgilegen soñ, 7 yılğa qadar apis cezasına mahküm etilgen qırımtatarı.

Abdülmecit Seytumerov, 26 yaşında

Qırımtatar cemaat faali ve çoq balalı baba. İşğalciler onı qanunsız şekilde “terror teşkilâtında iştirak etüvde” qabaatladılar. Abdülmecitniñ eki qardaşı 2020 senesi Rusiye tarafından 14 ve 17 yılğa qadar apis cezasına mahküm etilgen siyasiy mabüslerdir.

Al-azırda vaqtınca işğal etilgen yarımadanıñ apishanelerinde 222 siyasiy mabüsi buluna, olardan 133 mabüs Ukraina tamır halqı qırımtatarlarnıñ temsilcileridir (bunen beraber qırımtatar ealisi Qırım ealisiniñ tek 12% teşkil etmekte). Bundan da ğayrı, rus işğalcileri er angi narazılıq içün vatandaş ealisini taqip etmege devam ete, repressiyalarnıñ qurbanları olğanlarnıñ büyük qısmını ise gençler teşkil ete. Olarnıñ tek “cinayeti” – Ukrainağa qol tutmaq, öz dinini qorçalamaq ve demokratik qıymetlerni qorçalamaq.

Bu mentorlıq sayesinde SUSK siyasiy mabüslerniñ ikâyelerinen paylaşacaq, qırımlılar aqqında kanadalılar arasında haberdarlıqnı arttıracaq ve Kreml mabüsleriniñ azat etilmesine çağıruvlarnı tarqatacaq.