2018 senesi ekim (oktâbr) ayı 16 künü Kıyiv devlet memuriyetiniñ binasında V.İ. Vernadskiy adına Tavriya milliy universitetiniñ 100-yıllığına bağışlanğan tantanalı tedbir keçirildi.

Tedbirde Qırımtatar Milliy Meclisiniñ reisi Refat Çubarov, Qırımtatar Milliy Meclis reisiniñ muavini İlmi Umerov, halq deputatı Sergiy Kunitsın, vaqtınca işğal etilgen Donetsk ile Lugansk vilâyetlerinden ve Qırım MC-den köçürilgen aliy oquv yurtlarınıñ rektorları Şurasınıñ reisi Viktor Besçastnıy, halqara teşkilâtlarınıñ ve merkeziy akimiyet organlarınıñ vekilleri, alimler, studentler ve cemaat iştirak etti.

Universitetniñ 100-yıllığı munasebetinen hayırlav sözünde Ukraina Prezidenti Petro Poroşenko universitetniñ hadimlerine cesaretleri ve vatanperverlikni ile rusiye istilâsına qarşılıq kösterüvni añlı şekilde saylağanları içün teren minnetdarlığını bildirdi. Devletimizniñ Başlığı universitetniñ öz Vatanına sadıqlığı bizni ğalebege ketirecegine, mavılı-sarılı bayraqlar eñ yaqın vaqıtta serbest ukrain Qırımda yelpirecegine eminlik bildirdi.

Ukraina Prezidentiniñ Qırım MC Daimiy Temsilcisi Borıs Babin universitetni ve tedbirniñ iştirakçilerini yıldönüm ile hayırlap, Tavriya milliy universitetiniñ nevbetteki yıldönümini, başqa ürmetli musafirlernen beraberlikte, Aqmescitte qayd etmege tiledi. Daimiy Temsilci universitetniñ hadimlerine aliy oquv yurtınıñ yıldönümi munasebeti ile Temsilcilikniñ fahriy yarlıqlarını taqdim etti.