Yüksek alimlerni ve ameliyatçı mutehassıslarnı Ukraina Prezidentiniñ Qırım Muhtar Cumhuriyetindeki Temsilciliginiñ Ekspert Şurasında iştirak etmege davet etemiz! Ekspert Şurasınıñ azaları olaraq devlet idaresi, ekologiya, iqtisadiyat, tarih, siyasetşınaslıq, içtimaiyat, adliye ve Temsilcilikniñ faaliyetinen bağlı başqa saalarda attestatsiyadan keçken alimler (ekseriy allarda, ilimler doktorları) davet etile.

Bundan da ğayrı, Ekspert Şurasına Qırım Muhtar Cumhuriyetinde mesuliyetli vazifelerde eñ az 5 yıl devamında çalışqan ve/ya da Temsilcilikniñ vazifelerinen bağlı saalarda yüksek muvafaqiyetlerge irişken ameliyatçı mutehassıslar davet etile. Ekspert şurası azaları göñülli olaraq faaliyetlerini yürsetecek ve Ekspert şurasınıñ toplaşuvlarında iştirak etecekler.

Tercimeiallarnen serbest şekilde yazılğan maqsat mektüplerni, telefon nomeralarıñıznı ve elektron adresleriñizni qayd etip, 2017 senesi dekabr 20 kününe qadar [email protected] adresine yollamağa rica etemiz.