2018 senesi arman (avgust) ayı 8 künü Ukraina Prezidentiniñ Qırım MC Daimiy Temsilcisiniñ Birinci muavini İzet Gdanov Ukraina Milliy polis Başlığınıñ Birinci muavini Vâçeslav Abroskin ve Ukraina Milliy Polisniñ Herson vilâyetinde Baş idaresiniñ müdir muavini Mıkola Tsap ile Temsilcilikte körüşti.

Körüşüv esnasında İzet Gdanov Milliy polisniñ Ukraina Prezidenti Temsilciliginen semereli işbirlik içün minnetdarlığını bildirdi. Hususan Ukraina Milliy polisi Qırım MC boyunca Baş idaresiniñ Odessa şeerinden Herson vilâyetine köçüvi Qırımda yaşağan Ukraina vatandaşlarınıñ aq-uquqlarını ve serbestliklerini qorçalav meselesinde ve Herson vilâyetiniñ memuriy sıñırğa yaqın olğan rayonlarına işğalciniñ tesirine qarşılıq kösterüvde muim rölni oynay, bu cümleden, Geniçesk rayonında rayon akimiyeti vaziyetni öz nezareti altında tolu derecede tutmağanı içün, uquq qorçalav tertibatını quvetleştirmege kerek oldı.

Bundan ğayrı, bir sıra meseleler, bu cümleden, Qırımdan kelgen Ukraina vatandaşlarınıñ memuriy hızmetlerge irişimi muzakere etildi. ‘‘Dokument’’ devlet müessisesine muracaat etüv esnasında aq-uquqları bozulğan vatandaşlar Temsilcilikke çoqtan-çoq şikâyet etmekte. ‘‘Dokument’’ devlet müessisesine ve Devlet migratsiya hızmetine iç bir türlü alâqası olmağan ayrı şahıslar, bu binalarnıñ yanında sunniy şekilde nevbetler yarata.

Vâçeslav Abroskin rusiye istilâsına qarşılıq kösterüv, vatandaşlarnıñ aq-uquqlarını qorçalav ve uquqiy tertipni temin etüv oğrunda Ukraina Prezidentiniñ Temsilciligi ile işbirlikni devam etmege kerek olğanını qayd etti. Ukraina Milliy polisindeki Qırım MC Baş idaresiniñ Herson vilâyetine avuşuvı devam etmekte, onıñ esas qısımı endi Qırım devriye polisi ile beraberlikte Herson vilâyetinde çalışa. Problemli meseleler nezaret altına alındı.