Körüşüv esnasında Elçi bey Malayziya devleti Ukrainanıñ egemenligine ve topraq bütünligine tolusınen qol tutqanını bildirdi. Taraflar vaqtınca işğal etilgen Qırım Muhtar Cumhuriyetinde ve Aqyar şeerindeki vaziyetni, tamır qırımtatar halqınıñ aqlarına riayete etüvde bozuluvlarnı, ”Qırım platformasınıñ” birinci Sammitine azırlanuv ceryanını ve Qırım yarımadasını işğalden azat etüv oğrunda Ukraina tarafından yapılğan adımlarnı muzakere ettiler.
Bundan ğayrı, taraflar vaqtınca işğal etilgen Qırım Muhtar Cumhuriyeti ve Aqyar şeeri ile memuriy sıñırnı ziyaret etmek imkâniyetini muzakere ettiler.