Tışqı işler Avropa hızmetiniñ spikeri Maya Kosaniç 2018 senesi yanvar 19 künü Avropa Birliginiñ tışqı siyaset idaresiniñ adından Qırım yarımadasında insan-aqları saasındaki vaziyet boyunca beyanat yaptı. Beyanatta qanunsız anneksiyağa qarşı çıqqan Volodımır Baluhqa qarşı işğalci akimiyet tarafından çıqarılğan ‘‘üküm’’ ve acele tıbbiy yardımğa muhtac olğan qırımtatar faali Bekir Degermenciniñ yaqalanuvı tenqid etile.

Tışqı işler Avropa hızmetiniñ beyanatında Avropa Birligi istilâci memleketten insan aqları saasında halqara közeticilerni yarımadağa maniasız kirsetilmesini talap ete ve eñ yaqın vaqıtta işğal olunğan Qırımda qanunsız şekilde azatlıqtan marum etilgen bütün Ukraina vatandaşlarınıñ azat etilmesini bekley. AB öz beyanatında Qırım Muhtar Cumhuriyetiniñ ve Aqyar şeeriniñ qanunsız işğaliniñ Birlik tarafından qabul etilmegenini nevbetteki kere tasdıqlay.

Beyanatnıñ tolu metinini ingliz tilinde oqumağa mümkün:

https://eeas.europa.eu/…/statement-spokesperson-human-right…#