Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç ”Topraqlarnı işğalden azat etüv ile ealini ğayrıdan integratsiya etüv içün şaraitler azırlağan keçici devirde adaletni amelge keçirüv” mevzusında Ukraina Yuqarı Şurasınıñ insan aqları boyunca Komiteti ve İnsan aqları boyunca Ukraina-Helsinki birligi tarafından teşkil etilgen tögerek masada iştirak etti. Tedbirde devlet akimiyeti organlarınıñ ve cemaat teşkilâtlarınıñ vekilleri iştirak ettiler.
”Eminmiz ki, keçici devirde adalet vastalarınıñ işletmekten başqa çarelerimiz yoq. Ukrainada keçici devirdeki adaletniñ ayrı vastaları al-azırda Baş Prokuror Ofisiniñ (Silâlı dava departamenti), Qırım Muhtar Cumhuriyeti ve Aqyar şeeri Prokuraturasınıñ faaliyetinde qullanılmaqtadır. Keçici devirdeki adalet meselesi endi normativ-uquqiy senetlerge, şu cümleden ”Ukraina Prezidentiniñ Qırım Muhtar Cumhuriyetindeki Temsilciligi meselesi” aqqında Ukraina Prezidenti tarafından 2019 senesi ekim ayınıñ 17-de imzalanğan 758/2019 sanlı Fermanğa, vaqtınca işğal etilgen Qırım Muhtar Cumhuriyetini ve Aqyar şeerini işğalden azat etüv ve ğayrıdan integratsiya etüv Strategiyasına ve insan aqları saasında Milliy strategiyağa kirsetilgendir. Böyle areketler, keçici devirdeki adalet devletimiz tarafından vaqtınca işğal etilgen topraqlarnı işğalden azat etüv ve ğayrıdan integratsiya etüv siyasetiniñ müim qısımları olaraq qabul etilgenini numayış ete”, – dep izaatladı Anton Korınevıç.
Muhaqaşa esnasında aşağıdaki meseleler muzakere etildi:
- İşğalden azat etilgen topraqlarda akimiyetke işançnı ğayrıdan tiklemege yardım etecek tedbirler.
- İşğalden azat etilgen topraqlarda lüstratsiya qavrayışını taqdim etüv.
- ”Kollaborant faaliyeti” içün mesüliyet ile işğalci memuriyetnen işbirlikte çalışqan şahıslar içün başqa cezalav çeşitlerini qullanuvnıñ olması mümkün tesiri.
- Rusiye Federatsiyasınıñ silâlı tecavuzı esnasında insan aqları, halqara gumantar uquq ve insan aqları saasında halqara uquqnıñ bozulmasını nezaret ve qayd etken bir devlet sistemasını meydanğa ketirüv.
Yayınnıñ yazılğan şekili: https://fb.watch/4KPPZtJIKq/