Oktyabr 30 künü 2017 senesi Ukraina Prezidentiniñ Qırım Muhtar Cumhuriyetindeki Daimiy Temsilcisi Boris Babin, Türkiye Cumhuriyeti teşkil olunmasınıñ yıldönümine bağışlanıp Türkiyeniñ Odessadaki Baş konsullığında keçirilgen tantanalı tedbirlerde iştirak etti.

Boris Babin Türkiyeniñ Odessada Baş konsulı Demil Ufuk Togrul beyni milliy bayramınen hayırladı ve Rusiye işğali şaraitlerinde bulunğan Qırım sakinleriniñ aq-uquqlarını qorçalamağa yardım etkeni içün Türkiyege öz teşekkürlerini bildirdi. Bundan da ğayrı, körüşüvde işbirlikniñ nevbetteki adımları muzakere etildi.