Bugünde-bugün, devam etken muzakere esnası ne Ukraina, ne de bütün demokratik dünya içün beklenilgen neticelerni ketirecegi körünmey.
Eki devletniñ liderleriniñ Alâskadaki körüşüvi açıq-aydın şunı köstere: Ğarbiy memleketler tarafından destek beklegenine baqmadan, Ukraina, rusiye tarafından daima telüke altında bulunğanı içün memleketiñ istiqrarını temin etmek içün öz strategiyasını şekillendirmege kerek. Bunıñnen beraber, halqara destek ve istilâcığa nisbeten artan basqı böyle stsenariyniñ muvafaqiyetli şekilde ömürge keçirilmesiniñ esas qısmı olıp qala.
Aynı vaqıtta, rusiye Qırım ve vaqtınca işğal etilgen diger topraqlarda halqara cinayetlerni yapıp, cezasız qalmağa devam ete: zapt etilgen topraqlarnı hammal bölgesine çevire, resurslarnı çıqara, medeniy mirasnı yoq ete, insan aqları kütleviy şekilde boza, yarımadanı ise qanunsızlıq meydanına çevire ve andaki eali gumanitar buhranğa oğray.
Bu yañı çağıruvlar ve yañı kontekstni köz ögüne alıp, Qırım platformasınıñ Ekspert ağı Dördünci Halqara forumnıñ keçirilmesini teşebbüs etti. Tedbir devamında Ukraina ve halqara ekspertler akimiyet temsilcileri ile birlikte vaziyetni talil etip, Ukraina ve halqara ortaqlar içün tevsiyeler azırlaycaqlar. Bu areketler havfsızlıq kefaletlerini temin etmek, Rusiye Federatsiyasını halqara cinayetler içün mesüliyetke çekmek ve Qırım işğali neticesinde zarar körgenlerniñ aqlarını ğayrıdan tiklemek içün halqara toplulıqnıñ ğayretlerini birleştirmege yardım etecek, em de İsveçte Qırım platformasınıñ Parlament sammitinde advokatlıq içün temel teşkil etecek.
Tarih: 28 avgust
Saat: 10:00
Media içün qayd oluv forması: https://forms.gle/CYVTvx5yK8Q3hwwk9
Yer, akkreditatsiyanı tasdıqlağanda haber etilecek.
Teşkilâtçılar: Qırım platforması Ofisiniñ destegi ile Qırım Platforması Ekspert Ağı, Ukraina Prezidentiniñ Qırım Muhtar Cumhuriyetindeki Temsilciligi, Ukraina Tışqı işler nazirligi, Qırımtatar halqı Meclisi, Ukraina Media Merkezi – forumnıñ media ortağı.
Tedbirde Ukraina Tışqı işler nazirligi, Ukraina Mudafaa nazirligi, Ukraina iqtisadiyat nazirligi, Milliy Telükesizlik ve Mudafaa şurasınıñ vekilleri, mustaqil ekspertler, halqara analitik merkezlerniñ, ükümetke bağlı olmağan teşkilâtlarnıñ vekilleri, uquq qoruyıcılar ve diplomatlar iştirak etecek.
Tedbirde dört panel teşkil etilecek:
- İpratuv cenki: Ukrayina ateş toqtamadan telükeni nasıl etip neytralleştirecek;
- Qırım meselesi – adaletli barışıqnıñ anahtarı;
- Qırımnıñ işğal etilgen topraqlarında, Ukrayinanıñ şarqında ve cenübinde RF-niñ ğanimet iqtisadiyatı ve müstemleke siyaseti;
- Rusiye istilâsı ve işğali şaraitlerinde halqara destek: ortaqlar, aletler, imkânlar.
Tedbir Qırımnıñ işğalden qurtarıluvı ve reintegratsiyası, Qara deñiz, Avropa ve global telükesizliginiñ ğayrıdan tiklenüvine baqtırılğan mehanizm olğan Halqara Qırım platformasınıñ bir qısmı olaraq keçirilecek.